İŞİD terrorçuları Suriyanın Əl-Bab şəhərini tərk etməyə qərar veriblər. APA-nın xəbərinə görə, bu barədə “Əl-Mayədin” telekanalı məlumat verib. Telekanal, İŞİD dəstələri ilə 104 gün davam edən döyüşlər zamanı 400-dək türk hərbçisinin həlak olduğunu bildirib. Digər təfərrüatlar hələlik açıqlanmır.
Bundan əvvəl Suriya silahlı müxalifəti Əl-Babın nəzarətə götürüldüyünü bəyan edib.
Daha sonra Türkiyənin müdafiə naziri Fikri Işık Əl-Babın, demək olar ki, bütün ərazisinin Türkiyə ordusunun dəstəklədiyi Suriya silahlı müxalifətin nəzarətinə keçdiyini bildirib.
