Bu gün “Heydər” məscidində mərhum xalq artisti İlhamə Quliyevanın il mərasimi keçirilir.
İlhamə Quliyevanın il mərasimini keçirən oğulluğu Orxan Nadirov açıqlamasında mərhumu belə yad edib: “Onun yoxluğuna inana bilmirəm, qəbul etmək istəmirəm. Həyatdır...”
Orxan Nadirov “Mərasimə İlhamə Quliyevanın bacılarını dəvət etmisinizmi?” sualına belə cavab verib: “Toy məclisi deyil ki, dəvət edim. Kim gəlmək istəsə, gələcək”.
Mərhumun oğulluğu “Bəs sabah siz İlhamə Quliyevanın bacılarının “Təzəpir” məscidinə təşkil etdiyi il mərasiminə gedəcəksinizmi?” sualını da cavablandırıb: "Xeyr, getməyəcəm. Məclis bir dəfə olur. Amma kimsə dəvət etsə, gedəcəm. Dəvət olunmadığım yerə getmirəm”.
İlhamə Quliyevanın il mərasimində ailəyə yaxın şəxslər – Orxan Nadirovun bioloji anası Lalə Nadirova, gəlini Arifə Nadirova və Azrbaycan Qadınlar Cəmiyyətinin sədri Bahar Qasımova iştirak edirlər.
İl mərasiminə müğənni Əli Mirəliyev və İlhamə Quliyevanın
bacıları gəlməyib. (teleqraf) 
