Dünyanın ən populyar aktrisalarından biri, Hollivud ulduzu Kemeron Dias "Good Charlotte" qrupunun gitaraçısı Benci Meddenə ərə gedib.
Milli.Az ABC News-a istinadən bildirir ki, toy Diasın ABŞ-ın Kaliforniya ştatının Los-Anceles şəhərində, dəbdəbəli Beverli-Hills səmtində yerləşən villasında olub.
"Bəxtəvərik və çox sevinirik. Çünki həyatda birgə yolumuza ailə üzvlərimiz, qohumlarımız və dostlarımızın əhatəsində başlayırıq", - Kemeron Dias People-a bildirib.
Toyda Kemeron Diasın "gəlin rəfiqə"ləri Nikol Riçi, Dryu Berrimor və Cessi Luts olub.
Qonaqlar arasında Riz Uizerspun, Qvinet Peltrou, Samanta Ronson, Robin Antin və digərləri vardı.
Diasla Medden ötən ilin mayında görüşməyə başlayıblar, dekabrın sonlarında nişanlanıblar.
Milli.Az
