x
Loading...
.

Azərbaycanda bu ilin iki ayında ÜDM 0,4% artıb

Azərbaycanda bu ilin iki ayında ÜDM 0,4% artıb
10:57 15 Mart 2017
Ölkə mətbuatı
A- A+

Bakı. 15 mart. REPORT.AZ/ Cari ilin yanvar-fevral aylarında Azərbaycanda ümumi daxili məhsul istehsalı əvvəlki ilin eyni dövrü ilə müqayisədə 0,4% artaraq 10 042,6 mln. manat təşkil edib. Əhalinin hər nəfərinə düşən ÜDM 1 035,6 manata bərabər olub.
"Report" bu barədə Dövlət Statistika Komitəsinə istinadən xəbər verir. 
ÜDM-in 46,7%-i sənayedə, 9,6%-i ticarət; nəqliyyat vasitələrinin təmiri sahələrində, 7,6%-i tikintidə, 6,7%-i nəqliyyat və anbar təsərrüfatı, 2,7%-i kənd təsərrüfatı, meşə təsərrüfatı və balıqçılıq, 2,7%-i turistlərin yerləşdirilməsi və ictimai iaşə, 1,7%-i informasiya və rabitə sahələrində, 15,8%-i isə digər sahələrdə istehsal edilib. Məhsula və idxala xalis vergilər ÜDM-in 6,5%-ni təşkil edib.
Bu dövrdə iqtisadiyyatın qeyri-neft bölməsində istehsal olunmuş əlavə dəyər əvvəlki ilin müvafiq dövrünə nisbətən 2,3% artıb, onun ÜDM-də xüsusi çəkisi 56,8% olub.
Qeyd edək ki, 2017-ci ilin yanvar ayında ölkə rezidentləri tərəfindən istehsal edilmiş ümumi daxili məhsul əvvəlki ilin eyni dövrü ilə müqayisədə 0,8% artaraq 5 233,1 mln. manat təşkil edib.

Xəbərin orijinal ünvanı: https://report.az/maliyye/azerbaycanda-bu-ilin-iki-ayinda-udm-0-4-artib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Loading...

RƏYLƏR

BU KATEQORİYADAN DİGƏR XƏBƏRLƏR