Bu gecə gənc yazar Mövlud Mövlud intihar edib. Onun intiharı tanıyan hər kəsi şoka salıb və heç kim bu xəbərə inanmaq istəmir.
Publika.az-a danışan Mövludun şair
dostu Ehtiram İlham onun son vaxtlar depressiyada olduğu
söyləyib: "Mövludun belə bir addım atdığına inana bilmirəm.
Yanvarda mənim ad günümə gəlmişdi, amma əvvəlki kimi deyildi. Son
vaxtlar depressiyada idi. Hətta məclislərin birində intihar etmək
istədiyini dedi. Biz bunu zarafat kimi qəbul etdik, inanmadıq. Heç
kim onun belə bir addım atacağını ağlına gətirməzdi. Problemlər var
idi, amma ona görə adam intihar edərmi? Mövludun intihar etdiyini
dərk edə bilmirəm”.
Yazar Pərviz Cəbrayıl hadisəni eşidəndəndə söz deyəcək halda olmadığını bildirib: “Bir az əvvəl siqaret çəkəndə Aqşin Evrənə deyirdim: "Vallah, adam bezir, məzuniyyət götürüb dünyadan gedəsən"... Otağa girdim, Mövludun qara xəbərini aldım. Dünən işdən çıxanda görüşdük, üzünə baxdım, həyat yox idi varlığında, həyatda yox idi, istədim deyəm, amma demədim...”.
Tənqidçi Azər Turan deyib ki, Mövludun bu addımına deyəcək söz tapmır: “Mövludla sonuncu dəfə teleqraf.com üçün aldığı müsahibədə görüşdük. Adamın inanmağı gəlmir. Allah rəhmət eləsin”.
Yazar Şərif Ağayar hələ ki, danışacaq halda olmadığını qeyd edib.
Gülxar
