Goranboy rayonunda oğurluq hadisəsi baş verib.
"Report" xəbər verir ki, rayonun Təhlə kəndi ərazisində subartezian quyusunun misdən olan elektrik kabelləri axşam saatlarında naməlum şəxslər tərəfindən oğurlanıb.
Belə ki, kənd sakini Rafael Muradovun istifadə etdiyi artezian quyusunun naqillərinin 100 metrdən artıq hissəsi - yolun kənarındakı artezian qurğusunu işə salmaq üçün transformatordan ayrılan 3 eyni ölçülü, işə salan mexanizm və su nasosuna birləşdirilən mis naqillər kəsilərək aparılıb.
Goranboy Rayon Polis Şöbəsinin əməkdaşları hadisə yerinə baxış
keçirib. Fakt araşdırılır.