Tovuzda ölümlə nəticələnən yol qəzası baş verib.
APA- nın qərb bürosunun verdiyi məlumata görə, hadisə rayonun qərb tərəfindən girişində qeydə alınıb.
“Opel” markalı avtomobil hərəkətdə olarkən yolu keçmək istəyən 1966-cı il təvəllüdlü Tovuz şəhər sakini Həsənov Tofiq Şəmil oğlunu vurub.
Sürücü piyadanı Tovuz rayon Mərkəzi Xəstəxanaya çatdırsa da, onun yolda keçindiyi məlum olub.
Faktla bağlı araşdırma aparılır.
