Futzal üzrə "AVRO-2018"in əsas seçmə mərhələsində keçiriləcək Azərbaycan - Macarıstan oyununa hakim təyinatları açıqlanıb.
Fanat.Az xəbər verir ki, millimizin görüşünü Finlandiya və Bolqarıstandan olan hakimlər briqadası idarə edəcək. Timo Onatsu (Finlandiya) matçın 1-ci, Borislav Kolev isə (Bolqarıstan) 2-ci hakim kimi meydana çıxacaq.
Onatsu ardıcıl 3-cü dəfə millimizin oyununa təyinat alıb. O, I turun Azərbaycan - Bosniya və Herseqovina matçının (5:4), II turun Azərbaycan - Albaniya qarşılaşmasının (5:0) ikinci referisi funksiyasını yerinə yetirib.
Qeyd edək ki, Azərbaycan - Macarıstan oyunu aprelin 11-i keçiriləcək.
Fanat.Az