Xəbər verdiyimiz kimi, “Space” telekanalında yayımlanan “Təəccüb çevrəsi” verilişinə bundan sonra Mələk Heydərova aparıcılıq edəcək.
Lent.az-ın məlumatına görə, bir vaxtlar aktrisa kimi tanınan Mələk artıq o səhədən uzaqlaşdığını deyib:
“Məni aktrisa kimi təqdim etmələri heç xoşuma gəlmir. Aktrisa deyiləm, aparıcıyam. Karyerama aktrisa kimi başlasam da, özümü aparıcı kimi tanıtdım. Son zamanlar nə filmlərə, nə də reklamlara çəkilirəm. Özümü aparıcı kimi görürəm və xoşbəxt hiss edirəm. Sevdiyim rejissor və ssenari olsa, onda qəbul edərəm”.
M.Heydərovanın aparıcılıq edəcəyi “Təəccüb çevrəsi”nin yeni tanıtım çarxı yayımlanıb. Proqram həftənin çərşənbə günü saat 22:45-də efirə gedəcək.
