Çempionlar Liqasında sabah oynanılacaq "Bayern-Münhen" - "Real Madrid" qarşılaşması ilə bağlı qalmaqallı bir iddia ortalığa atılıb.
Milli.Az "Marca" qəzetinə istinadən xəbər verir ki, yarımfinalın ilk matçında kart cəzasının bir addımlığında (sarı kart cəzası var) olan Serxio Ramos sabahkı oyunda rəsmi xəbərdarlıq alacağı təqdirdə cavab qarşılaşmasını buraxa bilər.
"Realın" keçmiş baş məşqçisi və hazırda "Bavariya"nı çalışdıran Ançelotti zəif cəhətlərini bildiyi Ramosa bu matçda kart aldırmaq niyyətindədir. Digər mərkəz müdafiəçiləri Pepe və Varanın zədə səbəbilə bir aylıq yaşıl meydanlardan kənarda qalacağı dəqiqləşdiyi məqamda Ançelottinin planı baş tutarsa, növbəti mərhələ istəklərini böyük ehtimalla həll etmiş olacaq.
Təhməz Təkin
Milli.Az
Digər maraqlı xəbərlər Milli.Az-ın Facebook səhifəsində
