Dortmunddakı partlayış yerinin yaxınlığında məktub tapıldı - FOTOLAR

Dortmunddakı partlayış yerinin yaxınlığında məktub tapıldı - FOTOLAR
03:53 12 Aprel 2017
64 Dünya
Ölkə mətbuatı
A- A+

Dortmundda partlayışların baş verdiyi ərazidə aşkarlanan məktubun müəllifi hücuma görə məsuliyyəti öz üzərinə götürüb.

APA-nın xəbərinə görə, bu barədə “Assoşieyted Press” prokurorluğa istinadən məlumat yayıb.

Məlumata görə, müstəntiqlər hazırda həmin məktubu tədqiq edirlər.

Bundan əvvəl Dortmund polisi partlayışların “Borussiya” futbol komandasına qarşı yönəlmiş hücum olduğunu bəyan edib.

Xatırladaq ki, avtobusun yaxınlığında üç partlayış baş verib. Polisin ilkin məlumatına əsasən, “hücumda ciddi partlayıcı vasitələrdən istifadə edilib”. Partlayıcı qurğunun avtomobil duracağının hasarına bərkidildiyi bildirilir.

Hadisə zamanı avtobusun şüşəsi parçalanaraq dortmundluların müdafiəçisi Mark Bartranın əlini zədələyib.

Qeyd edək ki, insident səbəbindən Çempionlar Liqasının 1/4 final mərhələsinin “Borussiya” – “Monako” oyunu təxirə salınıb.


Xəbərin orijinal ünvanı: http://publika.az/news/dunya/194694.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR