Futzal üzrə Avropa çempionatının final mərhələsində birbaşa iştirak edəcək 7 komandanın adına aydınlıq gəlib.
Milli.Az apasport.az-a istinadən xəbər verir ki, B qrupunu lider tamamlayan millimizlə bərabər daha 6 yığma və ev sahibi Sloveniya artıq qitə birinciliyinə hazırlaşa bilərlər.
Bunlar İtaliya, Ukrayna, Portuqaliya, İspaniya, Qazaxıstan və Rusiya milliləridir.
Daha 8 komanda isə pley-offlarda mübarizə aparacaqlar. Qrup mərhələsini ikinci pillədə tamamlamış Gürcüstan, Macarıstan, Xorvatiya, Rumıniya, Serbiya, Çexiya, Fransa və ən yaxşı 3-cü yerin sahibi Finlandiya finallarda çıxış etmək üçün növbəti şans qazanıblar.
Qeyd edək ki, pley-off oyunları 10-13 və 24-27 sentyabr tarixlərində keçiriləcək. AÇ-nin final mərhələsi ilə 2018-ci ilin qışında baş tutacaq.
Milli.Az
Digər maraqlı xəbərlər Milli.Az-ın Facebook səhifəsində
