İsveçrəli xizəkçi yarış zamanı dəhşətli qəzaya düşüb.
ANS PRESS-in məlumatına görə, Avstriyada təşkil edilən turnir zamanı xizəkçi Simon Ammann saatda 130 km sürətlə hərəkət edərkən qəflətən müqavimətini itirib. İdmançı bir müddət ağzı üstə yerdə sürüşüb.
Hadisə yerinə gələn həkimlər Ammanna ilkin tibbi yardım göstəriblər. Daha sonra xizəkçi təcili yardımla xəstəxanaya aparılıb.
2002 və 2010-cu il Qış Olimpiadalarında dörd qızıl medal qazanan 33 yaşındakı Simonun şüurunun açıldığı bildirilib. İdmançının qolları və ayaqlarını hərəkət etdirə bildiyi və çox ciddi bir zədəsənin olmadığı söylənilib.
