"Real"dan qisas almaq fikrim yoxdur. Mən ancaq komandamın qələbə qazanmasını istəyirəm. Florentino Pereslə 1/4 finalın püşkünü müzakirə etməmişəm. Matç günü biz normal qaydada bir-birimizi salamlayacağıq.
Milli.Az qol.az-a istinadən xəbər verir ki, bu sözləri "Bavariya"nın baş məşqçisi Karlo Ançelotti Çempionlar Liqasının 1/4 finalında "Real"la oyun öncəsi deyib.
O, Madrid klubunun hücum üçlüyünə yaxşı bələd olduğunu bildirib: "Onlarsız "Real" o qədər də təhlükəli olmazdı. Yəqin ki, Zinəddin Zidan da fikrimlə razılaşar. Ronaldunu ehtiyatda, Benzemanı tribunada, Beylin isə evdə olmasını istərdim".
Qeyd edək ki, K.Ançelotti 2013-2015-ci illərdə "Real"ı çalışdırıb. Komandanın uğursuz çıxışına görə klubun prezidenti Florentino Peres Ançelottini istefaya göndərib.
Milli.Az
Digər maraqlı xəbərlər Milli.Az-ın Facebook səhifəsində