Venesuela prezidenti Nikolas Maduro San-Feliks şəhərində olarkən ona qarşı təxribat hazırlandığını iddia edib.
Publika.az xəbər verir ki, prezident San-Feliks şəhərinə vətəndaşlarla görüşə gedərkən, etirazçılar onun maşınına müxtəlif sərt predmetlər ataraq ünvanına təhqirlər səsləndiriblər.
"Şəhərdə bəziləri ağıllarını itiriblər. Nə danışdıqlarını bilmirlər. Mənə qarşı hazırlanan təxribat baş tutmadı. Xalq özü bunun qarşısını aldı"- deyə Maduro açıqlamsında deyib.
Dövlət başçısı xalqa sevgi və dəstək üçün təşəkkürünü bildirib. Venesuelanın başçısı bənzər hadisənin daha əvvəlki sələfi prezident Uqo Çavesa postda olarkən yaşandığını xatırladıb: "Bu, həminki insanlardır. Bu insanların hədəfi məlumdur, daha əvvəl də bu cəhdlər uğursuzluqla nəticələnmişdi. Xalq isə həmin xalqdır və bu gün də onlara qarşı çıxır və hakimiyyətinə sevgisini sübut edir".
2002-ci il aprelin 12-də Çavesi dövlət çevrilişi nəticəsində hakimiyyətdən uzaqlaşdırılacaqdı. Lakin o, tərəfdarlarının köməyi və ordunun dəstəyi ilə iki gün sonra öz hakimiyyətini bərpa eedə bildi.
Könül Cəfərli
