Dünən "Hozu" filminin qala gecəsi olub.
Milli.Az axşam.az-a istinadən xəbər verir ki, romantik komediya janrında olan ekran işində baş rolları müğənni Natavan Həbibi, aktyor Məcid Hüseynov, əməkdar artist Nahidə Orucoca, Elza Seyidcahan və başqaları canlandırıb.
Ekran işinin quruluşcu rejissoru İlham Yaşaroğlu, prodüseri M.Hüseynovdur.
Səhnəyə ilk olaraq N.Həbibi çıxaraq, onu xoş günündə tək qoymayanlara təşəkkür edib:
"İlk dəfə bu təklifi alanda razılaşmağa qorxurdum. Amma mən Vaqif Gərayzadədən çox şey öyrənmişəm. Gördüm ssenari yaxşıdır, razılaşdım. İnanıram ki, tamaşaçıların da xoşuna gələcək. Mənim yaxın dostlarım da dəvətimi qəbul etdi. Onlar azdır, amma varlar və burdadırlar".
Aktyor Teymur Məmmədov Məcidin bir çox uğurlu işlərə imza atdığını, "Hozu"nun da onlardan biri olacağını söyləyib.
İ.Yaşaroğlu tamaşaçıların filmi izləyərkən darıxmayacağını deyərək, onlara dəstək olanlara təşəkkürünü bildirib.
Milli.Az
Digər maraqlı xəbərlər Milli.Az-ın Facebook səhifəsində
