Fransada iqtidarın - Sosialist Partiyasının prezidentliyə namizədi Benua Amon Milli Cəbhənin lideri Marin Lö Pen haqqında sualı cavablandırarkən böyük səhvə yol verib.
Metbuat.az-ın məlumatına görə, Amon Parisdə immiqrantları ziyarət edib.
Ziyarət zamanı uşaqlar sosialist liderə Marin Lö Penin İslam dinini və müsəlmanları niyə təhqir etdiyi ilə bağlı sual ünvanlayıblar. "Çünki o, xristiandır", deyə cavab verən Benua Amonun ifadəsi Fransada böyük söz-söhbətə səbəb olub.
Səhvə yol verdiyini başa düşən Amon xristianlığın pislik anlamına gəlmədiyini deyərək xətasını düzəltməyə çalışıb.
Qeyd edək ki, Fransada prezident seçkiləri aprelin 23-də keçiriləcək.
