[ 07 Yanvar 2015 18:33 ]
Bakı. Rüfət Əhmədzadə – APA. Türkiyə xarici işlər naziri Mövlud Çavuşoğlu Parisdə “Charlie Hebdo” qəzetinin redaksiyasına edilən terror hücumunu pisləyib.
APA-nın “Sabah”a istinadən verdiyi məlumata görə, M. Çavuşoğlu ölkəsinin birmənalı olaraq terrorçuluğu pislədiyini bildirib.
“Terrorçuluğa qarşı mütləq mübarizə aparmaq lazımdır”, - deyə o vurğulayıb.
M. Çavuşoğlu qeyd edib ki, hazırda terrorla mübarizə sahəsində ciddi çatışmazlıq var: “İŞİD-lə mübarizədə neçə aydır heç bir nəticə əldə olunmayıb”.
