Tıxaclara son qoyacaq layihə hazırlandı

Tıxaclara son qoyacaq layihə hazırlandı
05:53 2 May 2017
72 Ölkə
Ölkə mətbuatı
A- A+

SpaceX və Tesla-nın yaradıcısı İlon Mask dünyanı tıxaclardan xilas edəcək yeni yeraltı sürət tunellərinin videoçarxını nümayiş etdirib. O, eyni zamanda yeni layihəsi barədə ətraflı məlumat verib.

Publika.az xəbər verir ki, TED Talk layihəsi çərçivəsində çıxışı zamanı İlon Mask xəbər verib ki, gələcək avtomobillər yollardakı xüsusi platformalarda dayanaraq lift vasitəsilə tunelə enəcək. Bu elektroplatforma maşını üfüqi istiqamətdə rels sisteminə doğru hərəkət etdirəcək, nəqliyyat vasitəsinin özü isə tərpənmədən dayanacaq. Belə sürət tunellərdə saatda 200 km olacaq. Bu zaman avtomobillər yanacaq da sərf etməyəcəklər. "Hazırda biz Los-Ancelesin altında çala qazmağa cəhd edirik. Bu, üçölçülü tunellər şəbəkəsinin başlanğıcı olmalıdır" - deyə İlon Mask bildirib.

Qeyd etmək lazımdır ki, The Boring Company-nin bu layihəsi keçən ilin sonlarında hazırlanıb və Maskın sonuncu layihələrindən biridir. Layihənin rəhbəri SpaceX-in mühəndisi Stiv Devisdir. İlkin informasiyalara görə, yeraltı şəbəkə 30 səviyyəli tuneldən ibarət olacaq. Lakin ekspertlər bəyan ediblər ki, bu ideyanın reallaşdırılması üçün onilliklərlə vaxt lazımdır. (Sputnik Azərbaycan)


Xəbərin orijinal ünvanı: http://publika.az/news/neqliyyat/197202.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR