Azərbaycan Mərkəzi Bankı gələn iclasda uçot dərəcəsini azalda bilər

Azərbaycan Mərkəzi Bankı gələn iclasda uçot dərəcəsini azalda bilər
12:22 2 May 2017
79 Digər
Ölkə mətbuatı
A- A+

Bakı. 2 may. REPORT.AZ/ Azərbaycan Mərkəzi Bankı (AMB) dünən, mayın 1-də keçirdiyi iclasda uçot dərəcəsini dəyişməyərək 15% səviyyəsində sabit saxlayıb. 
"Report"un analitik qrupu hesab edir ki, iyun ayının ortalarında keçirilməsi gözlənilən növbəti iclasda AMB-nin uçot dərəcəsini azaldacağı ehtimal edilir. Belə ki, son depozit hərraclarında faizlərin getdikcə azalması müşahidə olunur. İlin əvvəlində 15%-ə yaxın olan depozit hərracında vəsaitlərin cəlb edilməsi üzrə faiz dərəcələri mayın 1-də keçirilən son hərracda 13%-dən aşağı düşüb. Buna səbəb kimi valyuta bazarında sabitliyə nail olunması amili göstərilir. Belə ki, kommersiya bankları manat ekvivalentində real olaraq 13-15%, fevral ayından etibarən möhkəmlənməyə başlayan manat fonunda isə dollar ekvivalentində daha çox gəlir əldə edib. Yəni, fevralda dollar aktivlərini 1,90 AZN/USD səviyyəsindən manata dəyişən banklar 25%-ə yaxın real gəlir əldə edib. 
Analitik qrup hesab edir ki, cari vəziyyət uzun müddət davam edə bilməz: "Çünki, dünyanın heç bir yerində bu qədər yüksək real faiz yoxdur. Məhz bu səbəbdən yaxın hərraclarda faizlərin 10% səviyyəsinə qədər geriləyəcəyi ehtimal edilir. Bu da AMB-yə növbəti iclasda uçot dərəcəsini 12% səviyyəsinə qədər azaltmağa imkan verəcək. İlin sonuna qədər isə faizlər 10% səviyyəsinə çatdırıla bilər".

Xəbərin orijinal ünvanı: https://report.az/analitika/azerbaycan-merkezi-banki-gelen-iclasda-ucot-derecesini-azalda-biler

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR