Əşyaları girov qoyub kredit götürmək olar - Parlament TƏSDİQ etdi

Əşyaları girov qoyub kredit götürmək olar - Parlament TƏSDİQ etdi
15:37 2 May 2017
68 Ölkə
Ölkə mətbuatı
A- A+

"Daşınar əmlakın yüklülüyü haqqında" Azərbaycan Respublikası Qanununun layihəsi bu gün Milli Məclisdə qəbul olunub.

Milli.Az Trend-ə istinadən xəbər verir ki, bu qanun kredit alınması zamanı girov qismində avadanlıq və digər daşınar əmlakın istifadəsinin sadələşdirilməsinə imkan verəcək.

Qanunda yüklülük predmetinin satışı, satışdan əldə olunan gəlirlərin paylaşdırılması, daşınar əmlakın qeydiyyat qaydaları və digər məsələlər əksini tapıb. Daşınar əmlak reyestri kredit təşkilatlarına girov qismində təqdim olunan obyektin digər borcla bağlı girov obyekti olub-olmadığını müəyyənləşdirməyə imkan verəcək.

Qanun çərçivəsində xüsusi portal yaradılacaq və bu portal vasitəsilə hər kəs öz daşınar əmlakını qeydiyyata alaraq gələcəkdə girov qismində istifadə edə biləcək.

Milli.Az

Digər maraqlı xəbərlər Milli.Az-ın Facebook səhifəsində


Xəbərin orijinal ünvanı: http://news.milli.az/country/540898.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR