Merkel homoseksuallara görə Putinə ağız açdı

Merkel homoseksuallara görə Putinə ağız açdı
20:43 2 May 2017
76 Dünya
Ölkə mətbuatı
A- A+

Almaniya kansleri Angela Merkel Rusiya prezidenti Vladimir Putindən Çeçenistan Respublikasında homoseksualların təqibi ilə bağlı vəziyyətə qarışmağı xahiş edib.

Publika.az Rusiya mediasına istinadən xəbər verir ki, Merkel bu haqda Putinlə Soçidə keçirilən danışıqlardan sonra birgə mətbuat konfransında bildirib.

“Mən Putinlə həmçinin Çeçenistan Respublikasında homoseksuallarla bağlı hazırlanan çox mənfi məruzədən danışdım. Cənab prezidentdən xahiş etdim ki, o, azlıqların hüquqlarının təmin edilməsi üçün öz təsirini göstərsin”, - Merkel deyib.

Çeçenistan Respublikasında homoseksualların təqibi haqqında “Novaya Gazetı” (“Yeni qəzet”) nəşrinin araşdırmasının dərcindən sonra – aprelin əvvəlində məlum olub. Nəşr 3 qurban və 100 nəfər zərərçəkən haqqında yazıb. Zərərçəkənlər jurnalistlərə Çeçenistanda homoseksuallar üçün məxfi həbsxananın mövcudluğundan danışdılar.

Çeçenistan başçısının mətbuat katibi Alvi Kərimov deyib ki, Çeçenistanda homoseksualların təqibi mümkün deyil, çünki Çeçenistanda sadəcə olaraq homoseksuallar yoxdur. Çeçenistanın İnsan hüquqları Şurasının üzvü Xeda Saratova isə bildirib ki, onlar homoseksualların saxlanılması və öldürülməsi ilə bağlı şikayətlərə görə cavabdeh deyillər.

Rusiya prezidenti yanında İnsan hüquqları Şurasının üzvü İqor Kalyapin deyib ki, ona bir neçə dəfə qeyri-ənənəvi seksual oriyentasiyalı şəxslər müraciət edərək sığınacaq almaq üçün kömək istəyiblər: "Çünki Çeçenistanda onları ölümcül təhlükə gözləyir".

Onun sözlərinə görə, Çeçenistanda LQBT hüququ barədə danışmaq qəbuledilməzdir: "Əgər sən homoseksual olduğunu etiraf edirsənsə, bu, ölümcül təhlükəli ola bilər. Bunu, istənilən çeçen təsdiqləyə bilər. Onlar ümumiyyətlə belə adamlara son dərəcə dözümsüz yanaşırlar və hesab edirlər ki, homoseksualları öldürmək lazımdır, çünki onlar ənənəvi cinsləri rüsvay edirlər".


Xəbərin orijinal ünvanı: http://publika.az/news/dunya/197318.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR