Quba. 3 may. REPORT.AZ/ Quba rayonunda piyadanın vurulması ilə nəticələnən yol-nəqliyyat hadisəsi baş verib.
"Report"un Şimal bürosu xəbər verir ki, rayonun Zərdabi kənd sakini Poladov Hikmət Fikrət oğlu Birinci Nügədi kəndində yerli sakin, 1974-cü il təvəllüdlü Mirzəyev Sabit Veysəlqara oğlununun idarə etdiyi "VAZ-21012" markalı avtomobil tərəfindən vurulub.
Yaralı sürücü tərəfindən Quba Mərkəzi Rayon Xəstəxanasına aparılıb.
Xəstəyə qapalı kəllə-beyin travması, baş-beyin silkələnməsi, sol qamış sümüyünün sınığı, sol said sümüyünün sınığı diaqnozu qoyulub. Onun vəziyyəti orta-ağır qiymətləndirilir.
Faktla bağlı hüquq-mühafizə orqanlarında araşdırmalar aparılır.