Bakı. 3 may. REPORT.AZ/ Bu ilin aprel ayında Azərbaycanın enerji sistemində 1,8 mlrd. kVt./saata yaxın elektrik enerjisi istehsal olunub.
“Report” “Azərenerji” ASC-yə istinadən xəbər verir ki, bu, ötən ilin eyni dövrü ilə müqayisədə təxminən 7% çoxdur.
Məlumata görə, ötən ay ölkə üzrə istehsalın təxminən 98%-i və yaxud 1,769 mlrd. kVt./saatı “Azərenerji”nin payına düşüb.
Bununla yanaşı, ay ərzində Azərbaycanın enerji sisteminin əlaqəsi olan qonşu dövlətlərlə elektrik enerjisi mübadiləsi davam etdirilib.
“Azərenerji”nin bu ilin ilk 4 ayı ərzində istehsal etdiyi elektrik enerjisinin həcmi isə 7,897 mlrd. kVt./saat olub ki, bu da ötən ilin eyni dövrünə nisbətən 4,3% çoxdur.
