Play Store

Alimlər "danışan kağız" icad ediblər

Alimlər "danışan kağız" icad ediblər
16:35 17 May 2017
Ölkə mətbuatı
A- A+

Miçiqan Universitetinin alimlər qrupu tərəfindən hazırlanmış yastı elastik material mexaniki titrəyişlər nəticəsində səs çıxara bilir. “Nature Communication” jurnalında dərc edilmiş məqalədə yazılıb ki, alimlər mexaniki titrəyişlərin köməyi ilə "danışan kağız" və ya "oxuyan bayraqlar" yaradacaqlar.

“ICTnews” Elektron Xəbər Xidməti “lenta.ru” saytına istinadən yazır ki, yeni həllin əsasını hələ 2016-cı ilin sonunda təqdim edilmiş “FENG” nanogeneratoru təşkil edir. Bu material mexaniki enerjini elektrik enerjisinə çevirmək qabiliyyətinə malikdir. Alimlər zənn edirdilər ki, “FENG” smartfon və daşınan qurğular üçün əsas enerji mənbəyi olacaq.

Ancaq keçirilmiş bir sıra sınaqlardan sonra bu materialın başqa xüsusiyyəti aşkar edilib. Belə ki, mütəxəssislər elektrik enerjisini mexaniki titrəyişlərə çevirərək akustik dalğaları yazmağa nail olublar.

"Səhifələri eyni zamanda həm mikrofon, həm də dinamik funksiyasını yerinə yetirən qəzeti təsəvvür edin," – tədqiqatın aparıcı müəllifi Nelson Sepulveda yeni həll barədə öz təəssüratını bölüşüb.

Emil Hüseynov



Xəbərin orijinal ünvanı: http://ictnews.az/read-47853-news-1.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR