Bakı. 17 may. REPORT.AZ/ İyunun 30-da, saat 12:00-da “Bakı Tikinti - Quraşdırma” ASC-nin səhmdarlarının növbəti illik ümumi yığıncağı keçiriləcək.
“Report” xəbər verir ki, bu barədə rəsmi mətbuatda məlumat verilib.
Məlumatda deyilir ki, yığıncaq Cəmiyyətin yerləşdiyi Bakı şəhəri, Nizami rayonu, Köndələn küçəsi, 1 ünvanında olacaq. Yığıncağın gündəliyinə müəssisənin 2016-cı ildəki maliyyə-təsərrüfat fəaliyyətinin təhlil edilməsi və digər məsələlər daxildir.
Xatırladaq ki, “Bakı Tikinti - Quraşdırma” ASC 2003-cü ildə yaradılıb. Onun nizamnamə kapitalı 37 864 manatdır.
