Play Store

Yeni Samsung Galaxy J3 göstərildi

Yeni Samsung Galaxy J3 göstərildi
07:12 18 May 2017
Ölkə mətbuatı
A- A+

"Samsung" şirkəti yeni "Galaxy J3" (2017) smartfonunu təqdim edərək "J Series" qurğular ailəsinin sayını artırıb.

Milli.Az ICTnews-a istinadən bildirir ki, "Galaxy J3" 1280 x 720 piksel təsvir ölçülü 5 düymlü ekran, 1,4 giqahers takt tezliyinə və "Mali-T720" qrafik sürətləndiricisinə malik dördnüvəli "Exynos 7570" prosessor, 1,5 giqabaytlıq operativ və 16 giqabaytlıq quraşdırılmış yaddaş ilə təchiz edilib. Həmçinin, 128 giqabayt tutumlu "microSD" yaddaş kartını qoşmaq mümkündür.

Smartfonun əsas kamerası 5 meqapikselli matrisa və LED işıqlandırmasından istifadə edir, ön kameranın təsvir ölçüsü 2 meqapikselə bərabərdir. Bundan başqa, "4G LTE", "GPS/GLONASS", "Wi-Fi 802.11b/g/n" və "Bluetooth 4.1" interfeyslərinə malik qurğu 2600 milliamper/saat tutumlu akkumulyatorla təchiz olunub.

"Android 7.0 Nougat" əməliyyat sisteminin idarəetməsi ilə işləyən "Galaxy J3" (2017) smartfonunun qabaritləri 140,9 x 70,1 x 8,7 mm, çəkisi 147 qram təşkil edir.

Məlumata görə, hazırda yalnız ABŞ-da satılan smartfonun satış coğrafiyası bununla məhdudlaşmayacaq və tezliklə onu digər ölkələrdə də əldə etmək mümkün olacaq.

Gümüşü rəngdə təqdim olunan "Samsung Galaxy J3" (2017) modelinin qiyməti 180 dollar təşkil edir. Qurğunun digər regionlarda nə vaxt satışa çıxarılacağı ilə bağlı məlumat verilmir.

Milli.Az

Digər maraqlı xəbərlər Milli.Az-ın Facebook səhifəsində


Xəbərin orijinal ünvanı: http://news.milli.az/mobilt/545377.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR