Bu gün IV İslam Həmrəyliyi Oyunlarında futbol yarışlarının yarımfinal oyunları keçiriləcək. Fanat.Az xəbər verir ki, U-23 millimiz Əlcəzairlə qarşılaşacaq.
Yaşar Vahabzadənin komandası A qrupunda keçirdiyi 3 oyunda qapısından top buraxmayıb. Kamerun və Mərakeşlə qolsuz heç-heçə edən yığmamız Səudiyyə Ərəbistanını 2:0 hesabıyla yenib. 3 görüşə 5 xal toplayan və qrup ikincisi olan seçməmiz turnirin əsas favoritlərindən biriylə münasibətlərinə aydınlıq gətirməlidi.
Şimali afrikalılar B qrupundakı mübarizəni lider qismində tamamlayıb. 2 zəfər və heç-heçəylə sözünü deyən Əlcəzairin hədəfi final oynamaqdı.
Qeyd edək ki, Ddigər yarımfinal matçında A qrupunun lideri Kamerun B qrupunun ikincisi Omanı sınağa çəkəcək.
İslam Həmrəylik Oyunları
Futbol
Yarımfinal
12:30. Əlcəzair – Azərbaycan
"Dalğa Arena"
Fanat.Az
