Bakı. Trend:
Daha bir boksçumuz Bakı-2017 IV İslam Həmrəyliyi Oyunlarını gümüş medalla başa vurub.
Trend-in məlumatına görə, 81 kq çəki dərəcəsində döyüşən idmançımız Rauf Rəhimov qızıl medal uğrunda görüşdə türkmənistanlı Arslanbek Açilovla üz-üzə gəlib.
Təəssüf ki, R.Rəhimov da final görüşündə büdrəyib - 1:4.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.