Play Store

Şamaxıda Ağsu çayının daşması nəticəsində üç kəndlə əlaqə kəsilib

Şamaxıda Ağsu çayının daşması nəticəsində üç kəndlə əlaqə kəsilib
21:37 18 May 2017
62 Ölkə
Ölkə mətbuatı
A- A+

Şamaxı. 18 may. REPORT.AZ/ İki gündür aramsız yağan leysan yağışları Ağsu çayının daşmasına səbəb olub.
"Report"un Şirvan bürosunun xəbərinə görə, nəticədə Şamaxının Qaleybuğurd, Keşmədin və Qaladərəsi kəndlərinin yollarını sel suları yuyub.
Rayon mərkəzinə getmək mümkün olmadığından sakinlər çaydan keçmək üçün atlardan istifadə edirlər. Bundan əlavə, sel suları kəndlərdə əkilən bostan sahələrinə də ciddi ziyan vurub. Dörd kənddə çayın həm sol, həm də sağ sahilində əkilən bostan və tərəvəz bitkilərini sel yuyub aparıb. Hətta bəzi ərazilərdə torpaq uçqunları da baş verib. Kəndlərə verilən elektrik enerjisi kəsilib. Şamaxı-Qaleybuğurd yolunun 4-6 km.-də Bədo və Güllüdərə adlanan ərazidə dağdan qopan torpaq və qaya parçaları yola tökülülb.
Günün ikinci yarısından başlayaraq aidiyyəti qurumlar əraziyə cəlb olunub. Təmir işləri nəticəsində Qaleybuğurd kəndi ilə əlaqə bərpa edilib. Digər iki kəndlə hələ də əlaqə yoxdur.

Xəbərin orijinal ünvanı: https://report.az/hadise/samaxida-agsu-cayinin-dasmasi-neticesinde-uc-kendle-elaqe-kesilib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR