Komitə sədri: Qadınlar sosial şəbəkələrə, dini sektalara aludə olmamalıdırlar

Komitə sədri: Qadınlar sosial şəbəkələrə, dini sektalara aludə olmamalıdırlar
15:43 19 May 2017
44 Ölkə
Ölkə mətbuatı
A- A+

Bakı. İlhamə İsabalayeva – Trend:

Qadınlar sosial şəbəkələrə, pis vərdişlərə, dini sektalara aludə olmamalıdırlar.

Trend-in məlumatına görə, bunu Ailə, Qadın və Uşaq Problemləri üzrə Dövlət Komitəsinin sədri Hicran Hüseynova deyib.

Onun sözlərinə görə, bəzən komitəyə qadın sonsuzluğunun artması və buna səbəb kimi qadınların fiziki sağlamlığının yaxşı olmaması ilə bağlı müraciətlər daxil olur.

Komitə sədri hesab edir ki, idmanla məşğul olmaq üçün cəmiyyətin, valideynlərin düşüncə tərzlərini inkişaf etdirmək lazımdır: “Bəzən deyirlər ki, idman qadınlar üçün deyil. Ancaq tarixə nəzər salanda qadınlarımızın kişilərlə birlikdə at çapdıqlarını, ox atdıqlarının şahidi olmuşuq. Zaman keçdikcə qadınlar bu streotipi qırmağı bacardılar".

O bildirib ki, bu gün qadın idmançılarımız bir çox beynəlxalq yarışlarda ilk yerləri tuta biliblər: "Qadınların fiziki fəallığı kişilərə nisbətən az olsa da, gələcək sağlam nəslin yetişməsinə şərait yaratmış olur".


Xəbərin orijinal ünvanı: http://az.trend.az/azerbaijan/society/2756802.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR