İnternetin zəif olması insanda güclü stress yaradır.
Publika.az xəbər verir ki, İsveçin Erikson şirkətinin tədqiqat qrupu belə nəticəyə gəlib. Tədqiqatda 200 könüllü iştirak edib. Onlar nout-buk, planşet və smartfonlarda internetdən video yükləyiblər. Həmin anda könüllülərin nəbzi, zehni fəaliyyəti, gözlərini hərəkəti ölçülüb.
Video normal yüklənəndə insanların vəziyyəti qənaətbəxş olub. Ancaq cəmi 6 dəqiqə “donma” elə bir təsir yaradıb ki, sanki dəhşətli filmə baxır və ya imtahanda bilmədikləri sualı yazmağa çalışırlar. İştirakçıların ürək döyüntüsü də 38% artıb.
Məlumat üçün bildirək ki, təcrübə Kopenhagendə aparılıb. Danimarka isə dünyanın ən sürətli interneti olan ölkəsidir. Burada internetin sürəti saniyədə 22,3 meqabitdir.
Şəfiqə ŞƏFA
