Play Store

Gürcüstan vətəndaşı Qazaxda qəza törədib: xəsarət alanlar var

Gürcüstan vətəndaşı Qazaxda qəza törədib: xəsarət alanlar var
21:47 19 May 2017
67 Ölkə
Ölkə mətbuatı
A- A+

Qazax. 19 may. REPORT.AZ/ Qazax rayonunda axşam saatlarında bir neçə nəfərin xəsarət alması ilə nəticələnən yol-nəqliyyat hadisəsi baş verib.
"Report"un Qərb bürosunun məlumatına görə, hadisə rayonun Daş Salahlı kəndində baş verib.
Belə ki, Gürcüstan vətəndaşının idarə etdiyi "Toyota Prado" markalı avtomobil idarəetmədən çıxaraq yol kənarına aşıb. Nəticədə avtomobildə olan sərnişinlər: Gürcüstanın Rustavi şəhər sakini, 1980-ci il təvəllüdlü Qurbanov Rizvan Yusif oğlu və Ağstafa rayon sakini, 1983-ci il təvəllüdlü Şamilov Məhəmməd Ramiz oğlu müxtəlif bədən xəsarətləri alaraq Qazax rayon Müalicə Diaqnostika Mərkəzinə aparılıblar.
Hadisə zamanı adı hələlik açıqlanmayan sürücü özü də xəsarət alıb. Həkimlər sürücünün vəziyyətinin normal, sərnişinlərin vəziyyətinin isə orta-ağır olduğu bildiriblər.
İlkin ehtimala görə, qəzaya sürücünün avtomobili sərxoş halda idarə etməsi səbəb olub. Faktla bağlı araşdırma aparılır. 

Xəbərin orijinal ünvanı: https://report.az/hadise/gurcustan-vetendasi-qazaxda-qeza-toredib-xesaret-alanlar-var

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR