Bakı Nəqliyyat Agentliyi və Bakı Şəhər Baş Polis İdarəsi IV İslam Həmrəyliyi Oyunlarının bağlanış mərasimi günü - mayın 22-də Bakı yollarında nəqliyyatın hərəkətində məhdudiyyətlər tətbiq olunacağını açıqlayıb.
Milli.Az APA-ya istinadən xəbər verir ki, həmin gün Heydər Əliyev prospektinin "Excelsior" otelinin qarşısındakı yol qovşağından Sabunçu dairəsinədək olan hissəsi və Neftçilər prospektinin "Azneft" meydanından Yusif Səfərov küçəsinə qədər olan hissəsi günorta saatlarından sonra ümumi yol hərəkəti üçün bağlı olacaq.
Bağlanış mərasimini izləmək üçün tamaşaçılar Bakı Olimpiya Stadionuna metro və Bakı Nəqliyyat Agentliyi tərəfindən müəyyən edilən ekspress xətt avtobusları vasitəsi ilə gedə bilərlər.
Bakı Olimpiya Stadionuna ən yaxın metro stansiyası olan "Koroğlu" stansiyasında qatarlar orta hesabla iki dəqiqəlik intervalla hərəkət edəcək və gecə saat 2-dək işləyəcək.
Milli.Az
Digər maraqlı xəbərlər Milli.Az-ın Facebook səhifəsində
