Play Store

Deputat: "İslam Oyunları mötəbər bayram tədbiri oldu"

Deputat: "İslam Oyunları mötəbər bayram tədbiri oldu"
15:12 20 May 2017
38 İdman
Ölkə mətbuatı
A- A+

Bakı-2017 IV İslam Həmrəyliyi Oyunları Azərbaycan xalqı, idmançılarımız, idmansevərlərimiz üçün çox mötəbər bayram tədbiri oldu.

Milli.Az-ın Trend-ə istinadən məlumatına görə, bunu Azərbaycan Kikboksinq Federasiyasının prezidenti, millət vəkili Adil Əliyev bu gün "Zəfər günləri" tədbirində Bakı-2017 IV İslam Həmrəyliyi Oyunlarında qalib gələn idmançıların mükafatlandırılması mərasimində deyib.

A.Əliyev bildirib ki, oyunlar xalqımıza çox böyük sevinclər yaşatdı:

"Oyunlar xalqımızın, eləcə də, islam tarixində böyük əks-səda saldı. Bu oyunlar atletlərimiz üçün çox uğurlu oldu. IV İslam Həmrəyliyi Oyunlarının Azərbaycanda keçirilməsi təsadüfi deyil. Zaman-zaman idmançılarımız dünya idman arenalarında çoxsaylı uğurlar, yüksək nailiyyətlər qazanıblar.

Azərbaycanda uzun müddət idmançılara göstərilən diqqət və qayğının bəhrəsini, nəticələrini bu gün artıq görürük. IV İslam Həmrəyliyi Oyunlarının Azərbaycanda keçirilməsi ölkəmiz üçün çox əlverişli bir fürsət oldu. Azərbaycanda idmana olan diqqət və qayğı ilə yanaşı, dövlətimiz sülhpərvər olduğunu bir daha bütün dünya ictimaiyyətinin nəzərinə çatdırdı. İnanıram ki, bundan sonra da ölkəmizdə böyük idman tədbirləri keçiriləcək".

Qeyd edək ki, Bakı-2017 IV İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.

Milli.Az


Xəbərin orijinal ünvanı: http://news.milli.az/sport/546761.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR