"Qəbələ"nin sabiq məşqçisi Toni Adamsın "Granada" klubundakı fəaliyyətini fiasko adlandırmaq olar.
Milli.Az goal.az-a istinadən xəbər verir ki, Adams Əndəlus klubunu çıxardığı 7 oyunun hamısında komanda məğlub olub. Cəmi 3 qol vuran "Granada" qapısından 17-ni buraxıb. Klub onun gəlişinə kimi də uğursuzluq zolağından çıxa bilmirdi. İngilis mütəxəsisin baş məşqçi təyin olunduğu 16 aprelə qədər komanda 6 oyunda qələbəyə həsrət qalmışdı.
Qeyd edək ki, Adamsın növbəti mövsüm Segundada mübarizə aparacaq klubda işini davam etdirəcəyi deyilir.
Milli.Az
Digər maraqlı xəbərlər Milli.Az-ın Facebook səhifəsində