Play Store

İranın yeni seçilmiş prezidenti xalqa müraciət edib

İranın yeni seçilmiş prezidenti xalqa müraciət edib
20:37 20 May 2017
70 Ölkə
Ölkə mətbuatı
A- A+

İranın yeni seçilmiş prezidenti Həsən Ruhani televiziya vasitəsi ilə xalqa müraciət edib.

Milli.Az APA-ya istinadən xəbər verir ki, H.Ruhani müraciətində xalqın etimadını doğrultmaq üçün səylərini əsirgəməyəcəyini vəd edib.
"Sizin  41 milyondan çox verdiyiniz səs İran üçün inkişaf və tərəqqi yolunu açdı. Siz dünən bizi keçmişə qaytarmaq və dayandırmaq istəyən bütün şəxslərə "yox" dediniz və zamanı qabağa çəkdiniz", - deyə H.Ruhani qeyd edib.
 
İran prezidenti İran xalqının seçkilərdə gələcək yolunu seçdiyini bildirərək, hamını xalqın istəyi və qərarına  hörmətlə yanaşmağa  çağırıb: "İran xalqının hər bir fərdinə, hətta mənə və siyasətimə müxalif olan şəxslərin yardımına belə ehtiyacım var. Mən öz yardım və dostluq əlimi səmimi olaraq İran xalqına, bütün partiyalara, cinahlara və xalqın müxtəlif təbəqələrinə uzadıram. Mən demokratiya və qanunun aliliyini əsas tutaraq,  müxaliflərimə və onların hökuməti tənqid etmə hüquqlarına hörmətlə yanaşıram".
 
H.Ruhani əlavə edib ki, İran xalqı dünya ictimaiyyəti ilə sülh və dostluq şəraitində yaşamaq istəyir. "Lakin eyni zamanda, heç bir təhqir və hədəni də qəbul etmir. Bu İran xalqının mesajıdır və bütün dövlətlər, qonşular və xüsusi ilə böyük güclərin bunu düzgün anlamasını istəyirik".

Milli.Az
Digər maraqlı xəbərlər Milli.Az-ın Facebook səhifəsində


Xəbərin orijinal ünvanı: http://news.milli.az/politics/546796.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR