Boğaz kəsəni tutdular

Boğaz kəsəni tutdular
10:36 8 Yanvar 2015
174 Sosial
Ölkə mətbuatı
A- A+

Ötən gün Bakının Səbail rayonu ərazisində dəhşətli cinayət törədən şəxs yaxalanıb.

Səbail rayon prokurorunun böyük köməkçisi Rəsmiyyə Kazımovanın ANS PRESS-ə verdiyi məlumata görə, iki dostdan birini öldürən, digərini yaralayan 1988-ci il təvəllüdlü Elçin Elşən oğlu Çobanov tutulub.

“Hazırda həmin şəxs dindirilir. Bundan sonra, hadisənin dəqiq səbəbləri məlum olacaq”, - deyə Rəsmiyyə Kazımova bildirib.

Qeyd edək ki, ötən gün Bakının Səbail rayonu ərazisində iki dost bıçaqlanıb. Səbail rayon Polis İdarəsi 39-cu polis bölməsindən ANS PRESS-ə verilən məlumata görə, hadisə saat 18:54-də, “Sahil” metrosu yaxınlığında, Bülbül prospektində, “Sahil bağı” adlanan parkda baş verib. Bıçaqlanan şəxslərdən biri 1989-cu il təvəllüdlü Həsən Namiq oğlu Həsənov hadisə yerində dünyasını dəyişib. Onun ürək nahiyyəsində və boğazında bıçaq xəsarətləri olub.

Dİgər yaralı 22 yaşlı Orxan Məmmədzadə isə qarın boşluğundan bıçaqlanıb. Onu ağır vəziyyətdə Kliniki Tibbi Mərkəzin reanimasiya şöbəsinə yerləşdiriblər. Xəstə həkim Mahir Mahmudovun iştirakı ilə əməliyyat edilib.

Mahir Mahmudovun ANS PRESS-ə verdiyi məlumata görə, xəstə uğurla əməliyyat olunub. Bu gün onu reanimasiya şöbəsindən palataya keçürəcəklər.

“Hazırda yaralının vəziyyəti stabil orta-ağırdır. Bıçaq xəstənin qarın nahiyyəsindən dəydiyi üçün belə yaralar tədricən sağalır”, - deyə Mahir Mahmudov bildirib.

Orxan Məmmədzadənin peşəkar idmançı olduğu bildirilir. O, boksçudur və tanınmış idmançı Əli İsmayılovun yetirməsidir.

Hadisəni törədən gənc isə hadisə yerindən qaçıb.

RƏYLƏR

BU KATEQORİYADAN DİGƏR XƏBƏRLƏR