"Qalatasaray" Bafetimbi Qomis transferində sona yaxınlaşır. Fanat.Az xəbər verir ki, İstanbul klubunun Seneqal əsilli fransalı futbolçu ilə anlaşdığı bildirilir.
Müqavilə ilə İngiltərənin "Suonsi" klubuna məxsus olan, başa çatan mövsümdə icarə əsasında "Marsel"də çıxış edən 31 yaşlı hücumçu fransızların 2 illiu müqavilə təklifini rədd edib. Onun bu addımı "Qalatasaray"la anlaşmaya görə atdığı deyilir.
Bu arada Qomis sosial media hesabından aslan şəkili paylaşıb. Bu isə onun "Qalatasaray"a gələcəyinə işarə vurmavsı kimi dəyərləndirilib.
Qeyd edək ki, "Transfermarkt" hazırda Qomisə 5 milyon avro qiymət qoyub. O, başa çatan mövsümdə 34 rəsmi oyun keçirərək 21 qol vurub.
Fanat.Az