Prezident "Qaz təchizatı haqqında" qanuna dəyişiklikləri təsdiq edib

Prezident "Qaz təchizatı haqqında" qanuna dəyişiklikləri təsdiq edib
16:27 5 İyun 2017
Ölkə mətbuatı
A- A+

Bakı. 5 iyun. REPORT.AZ/ Azərbaycan Prezidenti İlham Əliyev iyunun 3-də “Qaz təchizatı haqqında” qanuna dəyişikliklər edilməsi barədə 2017-ci il 14 aprel tarixli qanunun tətbiqi haqqında sərəncam imzalayıb. “Report” bu barədə rəsmi KİV-ə istinad xəbər verir.
Sərəncama əsasən, Nazirlər Kabineti Azərbaycan qanunları və Prezidentin aktlarının bu qanuna uyğunlaşdırılması ilə bağlı təkliflərini 3 ay müddətində hazırlayıb dövlət başçısına təqdim etməlidir.
Nazirlər Kabineti normativ-hüquqi aktlarının həmin qanuna uyğunlaşdırılmasını 3 ay müddətində, mərkəzi icra hakimiyyəti orqanlarının normativ-hüquqi aktlarının qanuna uyğunlaşdırılmasını nəzarətdə saxlamalı və bunun icrası barədə 5 ay müddətində Prezidentə məlumat verməlidir.
Ədliyyə Nazirliyi mərkəzi icra hakimiyyəti orqanlarının normativ-hüquqi aktlarının və normativ xarakterli aktların “Qaz təchizatı haqqında” qanununda dəyişikliklər edilməsi barədə” qanuna uyğunlaşdırılmasını təmin edib Nazirlər Kabinetinə məlumat verməlidir.

Xəbərin orijinal ünvanı: https://report.az/energetika/prezident-qaz-techizati-haqqinda-qanuna-deyisiklikleri-tesdiq-edib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR