Yəməndə tüğyan edən vəba epidemiyasından ölənlərin sayı hər gün artır.
Milli.Az modern.az-a istinadən bildirir ki, Ümumdünya Səhiyyə Təşkilatı bununla bağlı həyəcan təbili çalıb və acınacaqlı statistikanı təsdiqləyib. Son statistik məlumata görə, ölkədə 86,4 min vəbaya tutulma faktı qeydə alınıb. Bunun da 681-i ölümlə nəticələnib.
Qeyd edək ki, Ümumdünya Səhiyyə Təşkilatı ölkə ərazisində 24 minə yaxın adamın bu xəstəliyə yoluxma ehtimalının olduğunu bildirib.
Yəmən hakimiyyəti vəba epidemiyası təhlükəsi barədə ilk dəfə 2016-cı ilin oktyabrında məlumat verib.
Məlumata görə, yoluxma riskinin yüksək olduğu bölgələrdə ümumilikdə 7,6 milyon adam yaşayır.
Milli.Az
Digər maraqlı xəbərlər Milli.Az-ın Facebook səhifəsində
