Azərbaycan, Bakı, 8 yanvar /Trend, müxbir İlkin İzzət/
Bakıda dilənçiliklə məşğul olduqlarına görə ümumilikdə 23 nəfər saxlanılıblar.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, Çevik Polis Alayı və Binəqədi Rayon Polis İdarəsi 5-ci Polis Bölməsi əməkdaşları tərəfindən dilənçiliklə məşğul olduqlarına görə 4 nəfər, Nəsimi Rayon Polis İdarəsi 19-cu Polis Bölməsi əməkdaşları tərəfindən 3 nəfər, 20-ci Polis Bölməsi əməkdaşları tərəfindən 3 nəfər, 22-ci Polis Bölməsi əməkdaşları tərəfindən isə 13 nəfər saxlanılıb və xəbərdarlıq edildikdən sonra buraxılıblar.
Məqalə müəllifi ilə əlaqə ünvanı: agency@trend.az