Mingəçevirdə narkotik alverçisi yaxalandı

Mingəçevirdə polis külli miqdarda narkotiki satan şəxsi yaxalayıb.

Daxili İşlər Nazirliyindən Metbuat.az-a verilən məlumata görə, DİN-in Nəqliyyatda Baş Polis İdarəsinin Su Nəqliyyatında Polis İdarəsinə Mingəçevir şəhəri ərazisində bir nəfərin narkotik vasitəni satacağı barədə məlumat daxil olub.

Dərhal Su Nəqliyyatında Polis İdarəsinin əməkdaşlarından ibarət əməliyyat qrupu Kür çayının Mingəçevirdən keçən hissəsinin sahilində quraşdırılan yanalma körpüsünə yollanıb.

Əlində idman çantası ilə skamyalardan birinə yaxınlaşan, kimisə axtarırımış kimi ətrafa göz gəzdirən bir nəfərin hərəkətləri şübhə doğurduğundan o, polis əməkdaşkları tərəfindən saxlanılaraq Mingəçevir Şəhər Polis Şöbəsinə gətirilib.

Araşdırmalarla saxlanılan şəxsin Goranboy rayon sakini, əvvəllər məhkum olunmuş Tariyel Abdulkərimov olduğu müəyyən edilib.

Üzərinə baxış keçirilərkən ona məxsus idman çantasından külli miqdarda marixuana aşkar edilərək götürülüb.

Ekspertiza həmin narkotik vasitənin ümumi çəkisi 4 kiloqram 600 qram qurudulmuş marixuana olması barədə rəy verib.

Faktla bağlı cinayət işi başlanılıb, zəruri istintaq və əməliyyat tədbirləri aparılır.

RƏYLƏR

BU KATEQORİYADAN DİGƏR XƏBƏRLƏR