Qobustan Qapalı Həbsxanası yeni müəssisəyə köçürüləcək

Qobustan Qapalı Həbsxanası yeni müəssisəyə köçürüləcək
16:55 21 İyun 2017
39 Ölkə
Ölkə mətbuatı
A- A+

Bakı. Samir Əli- Trend:

Bakının Qaradağ rayonu ərazisində, Umbakı qəsəbəsində yeni, müasir standartlara cavab verən qapalı həbsxananın tikintisi başa çatmaq üzrədir.

Trend-in məlumatına görə, bunu Ədliyyə Nazirliyinin İnsan hüquqları və ictimaiyyətlə əlaqələr idarəsinin rəisi Faiq Qurbanov bildirib.

İdarə rəisi deyib ki, bu həbsxana inşa olunarkən aparıcı beynəlxalq təcrübədən geniş istifadə olunub: “Hətta Avropa Şurasının İşgəncələrə qarşı Komitəsi bu həbsxananın inşası zamanı onun müvafiq layihəsi ilə tanış olub. Burada məhkumların asudə vaxtının təşkil olunması, idmanla məşğul olması, cəmiyyətə tam reabilitasiya olunması məqsədilə müasir standartlara cavab verən şəraitin yaradılması ilə bağlı təşkilat tövsiyələrini verib. Beynəlxalq təcrübənin öyrənilməsi əsasında müasir həbsxana inşa olunur və yaxın zamanlarda onun tikintisinin tamamlanması başa çatacaq”.

F.Qurbanov bildirib ki, həbsxana hazır olandan sonra Qobustan Qapalı Həbsxanası həmin müəssisəyə köçürüləcək.

RƏYLƏR

BU KATEQORİYADAN DİGƏR XƏBƏRLƏR