Almaniya Bundesliqasının rəsmi saytı ötən mövsümün ən yaxşı gənc futbolçusunu seçib.
Milli.Az goal.az-a istinadən xəbər verir ki, bu mükafat "Borussiya dortmund"un hücumçusu Usman Dembeleyə təqdim olunacaq. 20 yaşlı futbolçu fevralda da buna bənzər mükafata sahib çıxmışdı. Dembele Bundesliqada keçirdiyi 32 oyunda 6 qol və 12 məhsuldar ötürmənin müəllifi olub. "Bild"in məlumatına görə gənc forvard karyerasını "Barselona"da davam etdirəcək.
Onun agenti katalon klubu ilə 5 illik müqaviləni razılaşdırıb. Transferə 50 milyon avronun sərf olunması gözlənilir. Dortmund klubu isə Dembeleni 90 milyon avrodan aşağı qiymətə satmayacağını elan etmişdi. Onun "Borussiya" ilə cari müqaviləsi 2021-ci ilin yayında başa çatmalıdır.
Milli.Az
Digər maraqlı xəbərlər Milli.Az-ın Facebook səhifəsində