Rusiya Xarici İşlər Nazirliyi ATƏT-in Minsk qrupunun
həmsədrlərinin bəyanatını şərh edib.Rusiya prezidentinin
səlahiyyətli nümayəndəsi Dağlıq Qarabağda yeni toqquşmalar barədə
xəbərdarlıq edib.Yunanıstan Xarici İşlər Nazirliyi
Ayasofyada Quran oxunmasına qarşı çıxıb.İran ABŞ-ın İŞİD
terror təşkilatına birbaşa dəstəyinin sübutlarını dərc edəcək.Rusiya Xarici İşlər Nazirliyi İŞİD terror qruplaşmasının
liderinin böyük ehtimalla öldürüldüyünü açıqlayıb.
“Vikiliks” MKİ-nin kibercasus haqqında məxfi
sənədlərinin növbəti hissəsini dərc edib.
Azərbaycan Respublikasının Prezidenti, Silahlı
Qüvvələrin Ali Baş Komandanı İlham Əliyevin göstərişinə əsasən
tikinti-quruculuq işləri davam edir. Müdafiə
Nazirliyindən verilən məlumatda bildirilir ki, Müdafiə Nazirliyinin
rəhbərliyi cəbhə bölgəsində yeni inşa edilən zenit-raket və
mühəndis-istehkam hərbi hissələrinin açılışında iştirak edib.
Ərazidəki qərargah, xüsusi texnika üçün saxlanclar, əsgər
yataqxanaları, yeməkxana, sıra meydanı və digər hərbi obyektlərlə
tanış olunub.
Hərbi hissələrdən birində yeni inşa olunacaq yeməkxananın
təməlqoyma mərasimində də iştirak edən Müdafiə naziri
general-polkovnik Zakir Həsənov müvafiq tapşırıqlar verib.
ATƏT-in Minsk qrupunun həmsədrlərinin bəyanatında,
həmçinin Rusiyanın mövqeyi və regionda baş verən son hadisələrin
qiymətləndirilməsi əks olunub. Bunu brifinqdə Rusiya
Xarici İşlər Nazirliyinin sözçüsü Mariya Zaxarova deyib.
Onun sözlərinə görə, Dağlıq Qarabağ münaqişəsi daim Rusiya
XİN-in diqqət mərkəzindədir.
Bu yaxınlarda baş tutan Rusiya və Fransa xarici işlər
nazirlərinin - Sergey Lavrov və Jan-İv le Drianın görüşündə Dağlıq
Qarabağ münaqişəsinin müzakirə edilib-edilməməsi sualına cavab
olaraq, Rusiya XİN-in rəsmi nümayəndəsi bu məsələnin ətraflı
müzakirə olunmadığını bildirib.
Bu gün Ermənistan prezidenti Serj Sarkisyan Brüsselə
yola düşüb. Ermənistan prezidenti Avropa Xalq
Partiyasının sammitində iştirak edəcək.
Erməni siyasi şərhçi Akop Badalyan yazır ki, Sarkisyanın Brüssel
səfərinin əsas məqsədinin dəstək əldə etmək olduğunu yazıb.
Sarkisyanın Brüssel səfərinin SİRRİ ORTAYA ÇIXDI: Putinin Qarabağ planına qarşı HƏMLƏ
“Qarabağda aprel döyüşlərinin yenidən təkrarlanması
ehtimalı var. Hərbi təlimlərin keçirilməsinə də bu kontekstdən baxa
bilərik”. Bu barədə Rusiya prezidentinin səlahiyyətli
nümayəndəsi, Rusiya İctimai palatasının üzvü, Siyasi Tədqiqatlar
İnstitutunun direktoru Sergey Markov deyib.
Onun sözlərinə görə, ötən il “Kazan düsturu” üzrə əldə olunan
razılaşmalar pozulub: “Xatırladım ki, “Kazan düsturu” Qarabağ
ətrafındakı rayonların Azərbaycana qaytarılmasını, əvəzində
Ermənistanın blokadadan çıxarılmasını, regionda ATƏT-in nəzarəti
ilə silahsızlaşdırma prosesinin başlanmasını nəzərdə tuturdu. Bir
il öncə tərəflər bütün bunlar haqqında demək olar ki, razılaşdılar,
lakin sonradan danışıqlar təxirə salındı”.
S.Markov qeyd edib ki, danışıqların ləğv olunması yeni
müharibənin real təhlükəsini yaradır.
Putinin adamı Qarabağ danışıqlarının GİZLİ TƏRƏFİNİ AÇDI: İrəvan masadan qaçdı, indi...
Türkiyə kəşfiyyatı Birləşmiş Ərəb Əmirliklərinin
(BƏƏ) 15 iyul dövlət çevrilişinə cəhddən dərhal sonra dövriyyəyə
buraxdığı “B planı”nı, yəni “İkinci Gəzi”ni bütün detalları ilə
ifşa edib. Bu haqda “Haber7” saytında yazar Batuhan
Yaşar bildirib.
Onun sözlərinə görə, məqsəd 2017-ci il aprelin 17-də keçirilən
referendum öncəsi Gəzi hadisələrinə (2013) bənzəri xaos yaratmaq
idi. Yazar planın qəhrəmanının isə səhhəti ilə əlaqədar bu
yaxınlarda həbsdən buraxılan Suriya əsilli tanınmış jurnalist və
Yaxın Şərq üzrə ekspert Hüsnü Mahallinin olduğunu bildirib.
Ölkə addım-addım xaosa... - Türkiyəyə qarşı “B planı”nın DETALLARI
ABŞ müdafiə naziri Ceyms Mettis türkiyəli həmkarı
Fikri İşıka YPG terror təşkilatı ilə bağlı məktub
göndərib. Məktubda YPG-nin təchizatı, həmçinin
təşkilata verilən silahlarla bağlı məlumatlar yer alıb.
Mettis YPG-nin verilən materiallara dair siyahını hər ay nizamlı
olaraq Türkiyəyə təqdim ediləcəyini qeyd edib. Amerikalı nazir
həmçinin Rakkanı ələ keçirəcək güclərin 80 faizinin ərəblərdən
təşkil ediləcəyini və İŞİD-dən təmizlənməsindən sonra şəhərə
ərəblərin nəzarət edəcəyini bildirib.
O, İŞİD-i məğlub etmək üçün YPG ilə işbirliyinin zəruri olduğunu
əlavə edib.
Yunanıstan Xarici İşlər Nazirliyi Ayasofyada Quran
oxunmasına etiraz edib. “Biz Ayasofyada
Türkiyə Dini İşlər İdarəsi rəhbərinin iştirakı ilə Quran oxunması
və bunun Türkiyə dövlət televiziyasında yayımlanmasını qınayırıq.
Ayasofya YUNESKO dünya mədəniyyət irsinin bir hissəsi kimi tanınır.
Burada Quran oxunmaqla onu məscidə çevirmək cəhdi beynəlxalq
ictimaiyyəti təhqir etmək deməkdir. Bu, xristianların dini hisləri
ilə oynamaqdır”, – deyə bəyanatda yer alıb.
Qeyd edək ki, Ayasofya 537-ci ildə Bizans imperatoru Yustinianın
əmri ilə tikilib. 1453-cü ildə İstanbulun Osmanlı imperatoru Fateh
II Mehmet tərəfindən ələ keçirilməsindən sonra kilsə məscidə
çevrilib. 1935-ci ildən bu günə qədər Ayasofya müzey olaraq
fəaliyyət göstərir.
Türkiyə uzun illərdən sonra ilk dəfə keçən il burada azan
oxunmasına izn vermişdi. Bu, rəsmi Afinanın kəskin etirazına səbəb
olmuşdu.
İran ABŞ-ın İŞİD terror təşkilatına birbaşa
dəstəyinin sübutlarını dərc edəcək. Bu haqda İran
İslam İnqilabı Keşikçilər Korpusunun (SEPAH) baş komandanının
məsləhətçisi Həmin Rza Moqadam Far deyib.
“Biz sənədləri dərc etməyi planlaşdırırıq. Bu sənədlər göstərir
ki, ABŞ İŞİD-ə silah verir, lojistik dəstək və tibbi yardım
göstərir”, - SEPAH-ın nümayəndəsi bildirib.
O həmçinin qeyd etdi ki, terror təşkilatının yaradılmasının
arxasında ABŞ-ın özü dayanır:
“ABŞ-ın terror təşkilatına dəstəyindən daha əhəmiyyətli fakt
ondan ibarətdir ki, İŞİD-in yaradılması ABŞ-ın işidir. Onlar bu
faktı gizlədə bilmirlər. Bu gün bildirirlər ki, “biz bu təşkilatı
yaradaraq səhv etdik, indi onu məhv etmək istəyirik”. Amma onlar
əvvəlki kimi yalan danışırlar və bunu sübut edəcək çoxlu sənəd
var”.
Daha əvvəl – iyunun 11-də İran Silahlı Qüvvələrinin qərargah
rəisinin müavini , general Mustafa İzadi bildirib ki, Tehran ABŞ-ın
İŞİD-ə birbaşa dəstəyini göstərən sübutlara malikdir.
İŞİD terror qruplaşmasının lideri Əbubəkr əl-Bağdadi
böyük ehtimalla öldürülüb. Bu haqda Rusiya Xarici
İşlər Nazirliyindən bildiriblər.
Bir neçə gün əvvəl isə idarədən bildiriblər ki, İŞİD liderinin
ölümünü təsdiq edəcək sübutlar yoxdur.
Xatırladaq ki, Rusiya hərbi aviasiyası mayın 28-də Suriyanın
Rakka şəhərinin yaxınlığında İŞİD liderlərinin müşavirəsinin
keçirildiyi qərargahı bombalayıb. Rusiya Müdafiə Nazirliyinin
məlumatına görə, İŞİD-in 30 səhra komandiri və onların 300-ə qədər
köməkçisi məhv edilib. Onların arasında Bağdadinin də olduğu
ehtimal edilir.
Suriya lideri Bəşər Əsədin vəzifədən ayrılmasının
ölkədəki böhranın həlli yolu olacağını düşünmürəm.
Bunu Fransa Prezidenti Emmanuel Makron deyib.
“Çünki qanuni şəkildə onu əvəz edəcək bir namizədin olacağını
düşünmürəm. Həmçinin qeyd edim ki, rəsmi Dəməşq kimyəvi silahdan
istifadə etsə, Fransa ordusu Suriyada hökumət qüvvələrinə hücum
edəcək”, - Makron bildirib.
Bazar günü, iyunun 18-də ABŞ Hərbi-Dəniz
Qüvvələrinin F-18 “Xornet” qırıcısı Suriya hərbi təyyarəsini vurdu.
Bu, faktiki olaraq, bir ölkəyə qarşı ABŞ Konqresinin elan etmədiyi
və icazə vermədiyi müharibə aktıdır. ABŞ Müdafiə
Nazirliyinin (Pentaqon) açıqladığı rəsmi bəyanata görə, Suriya
hərbi təyyarəsi ABŞ-ın dəstəklədiyi müxalifət güclərinə zərbələr
vururdu. Dəməşqin bəyanatına əsasən, təyyarə İŞİD terror
təşkilatının mövqelərinə zərbələr endirirdi.
Və təbii ki, hadisəyə Moskvanın reaksiyası çox sərt oldu. Rusiya
Müdafiə Nazirliyi hadisəni BMT-yə üzv dövlətin qanuni silahlı
qüvvələrinə qarşı “terrorizmlə mübarizə” adı altında ABŞ
aviasiyasının döyüş hərəkətləri beynəlxalq hüququn kobud pozuntusu
adlandırdı. Rusiya Suriya hərbi təyyarəsinin vurulmasından dərhal
sonra Suriya səmasında toqquşmaların qarşısının alınması üçün
yaradılmış ABŞ-la əlaqə kanalının bağlandığını açıqladı. Eyni
zamanda açıqladı ki, Fərat çayının qərbində aşkar edilən bütün hava
obyektləri hədəf kimi qəbul olunacaq. Yəni, həmçinin Amerika hərbi
təyyarələri və pilotsuz kəşfiyyat təyyarələri də hədəf hesab
ediləcək.
“The American Conservative” yazıb ki, Moskva ciddidirsə,
Suriyada Rusiya və ABŞ-ın toqquşmasının real perspektivi
gözlənilir.
Azad edilmiş ərazilər uğrunda YENİ SAVAŞ: Müharibə indi BAŞLANIR
“Vikiliks” portalı “Vault 7” nəşrlər seriyası
çərçivəsində ABŞ Mərkəzi Kəşfiyyat İdarəsinin (MKİ) kibercasus
haqqında məxfi sənədlərinin növbəti hissəsini dərc
edib. Sənədlərin növbəti hissəsi “Amansız kenquru”
(Brutal Kangaroo) adlanır.
Proqram birbaşa təşkilatın kompüter şəbəkəsinə daxil olmağa
qadirdir.
“Vikiliks” MKİ-ni növbəti dəfə ifşa etdi – “AMANSIZ KENQURU”
ABŞ prezidenti Donald Tramp Milli Kəşfiyyat
İdarəsinin direktoru Daniyel Kouts və Milli Təhlükəsizlik
Agentliyinin rəhbəri Maykl Rocersə onun komandası ilə Rusiyanın
arasında əlaqələrin mövcudluğunu təkzib etməyi təklif
edib. Bu haqda vəziyyətlə tanış mənbələrə istinadən
CNN telekanalı bildirib.
Bildirilir ki, Kouts və Rocers ötən həftə ABŞ Ədliyyə
Nazirliyində Trampın Rusiya ilə əlaqələrini araşdıran xüsusi
prokuror Robert Müller və senatorlarla bir neçə ayrı görüş keçirib.
Telekanalın mənbələrinin məlumatına görə, bu görüşlər məxfi
xarakteri daşıyırdı və buna görə onlar bu söhbətlərin sonrakı
detallarını açıqlaya bilmirlər.
Daha əvvəl KİV-in yazdığına görə, Tramp Kouts və Rocersdən
Federal Təhqiqatlar Bürosunun (FTB) araşdırılmasına təsir etməyi
xahiş edirdi. Trampın rəqibləri hesab edirlər ki, bu, prezidentin
ədalətə mane olmaq cəhdidir və ABŞ-da cinayət hesab edilir.
Qeyd edək ki, Konqresdə Rusiyanın ABŞ-dakı prezidentinin
seçkilərinə müdaxiləsi haqqında müstəqil araşdırma gedir. Analoji
araşdırmanı həmçinin FTB aparır.
Bu gün Əfqanıstanın cənubundakı Helmand əyalətində
partlayış baş verib. Bomba yüklü avtomobilin
partladılması nəticəsində 30-a qədər adam ölüb, ən az 50-si ağır
yaralanıb.
Ömər Dağlı
Xəbərin orijinal ünvanı: http://publika.az/news/nida_tehlil/203616.htmlŞahid olduğunuz hadisələrin video və ya fotosunu çəkərək bizə göndərin: 0552252950 (Whatsapp)