[ 08 Yanvar 2015 13:28 ]
Bakı. Hafiz Heydərov - APA. Bakı sakini ailə üzvlərini bıçaqlayıb.
Sabunçu rayon Polis İdarəsindən APA-ya verilən məlumata görə, hadisə Sabunçu rayonunun Zabrat qəsəbəsində qeydə alınıb.
Qəsəbə sakini, 1969-cu il təvəllüdlü Yaşar Əzimov yaşadığı evdə bacısı, 1972-ci il təvəllüdlü İzzətxanım Novruzovaya, onun həyat yoldaşı, 1970-ci il təvəllüdlü Yaşar Novruzova, övladları - 1999-cu il təvəllüdlü Faiqə və 2002-ci il təvəllüdlü Rəşada bıçaq xəsarətləri yetirib. Yaralılar xəstəxanaya yerləşdirilib.
Hadisəni törədən Y.Əzimov hadisə yerindən qaçıb. Hazırda onun tutulması istiqamətində tədbirlər davam etdirilir.
