Bakı. 23 iyun. REPORT.AZ/ “Formula-1” Bakı Qran-Prisi ilə əlaqədar, "Nikoil Bank" ASC-nin Puşkin küçəsi,30 ünvanında yerləşən Bankın baş ofisi yeni iş cədvəlinə keçir.
"Report"un Banka istinadən verdiyi xəbərə görə, Müştəri Xidmətləri Mərkəzi bu gün 18:00-a qədər bütün bank xidmətləri üzrə fəaliyyət göstərəcək, 18:00-dan 21:00-a qədər isə yalnız valyuta mübadiləsi xidməti aktiv olacaq.
İyunun 24-25-i daxil olmaqla, valyutadəyişmə məntəqəsi saat 10:00-dan 21:00-a qədər açıq olacaq, lakin digər bank əməliyyatları aparılmayacaq.
Qeyd olunur ki, "Nikoil Bank" hesablaşma, depozit, kart, kredit və zəmanət kimi müasir və etibarlı bank xidmətləri əməliyyatlarının tam paketini təklif edir.