Azərbaycan, Bakı, 8 yanvar /Trend, müxbir Emil İsmayılov/
Bakıda havanın pisləşməsi Heydər Əliyev Beynəlxalq Hava Limanının işinə təsir etməyib. Bunu cümə axşamı Trend-ə "Azərbaycan Hava Yolları" QSC-nin (AZAL) mətbuat xidmətinin rəhbəri Məhərrəm Səfərli deyib.
Onun sözlərinə görə, əlverişsiz hava şəraiti ilə əlaqədar Heydər Əliyev Beynəlxalq Hava Limanı gücləndirilmiş iş rejiminə keçib: "Aeroportun işində heç bir problem müşahidə edilmir, bütün reyslər cədvələ uyğun həyata keçirilir".
Məqalə müəllifi ilə əlaqə ünvanı: agency@trend.az
