İŞİD terrorçu qruplaşması Parisdəki “Charlie Hebdo” satirik jurnalının redaksiyasına hücum edənləri qəhrəman adlandırıb.
ANS PRESS-in məlumatına görə, İŞİD terror qruplaşmasının radiosu “Charlie Hebdo” fransız jurnalının ofisinə silahlı hücum edən üç nəfərin hərəkətini dəstəkləyib.
"Qəhrəmanlar, qisas əlaməti olaraq "Charlie Hebdo" fransız jurnalında işləyən 12 nəfəri öldürdü, həmçinin 11-dən çoxunu yaraladılar", - deyə radio xəbəri belə şərh edib.
Qeyd edək ki, 3 nəfər “Charlie Hebdo” satirik jurnalının redaksiyasına silahlı hücum etmişdi. Nəticədə 12 nəfər ölmüş, 11 nəfər isə yaralanmışdı. Bütün dünya bu terror aktını kəskin şəkildə qınamışdı.
